லியோ படத்தில் நடிக்கும் நடிகர்கள்...முகத்தை காட்டாமல் மறைத்து நிற்கும் நடிகர்...ஓ இது தான் விஷயமா..?

தமிழ் திரையுலகில் தனக்கென ஒரு இடத்தை பிடித்து முன்னணியில் திகழ்பவர் தான் நடிகர் விஜய்.இவர் நடிப்பில் தற்போது உருவாகி வரும் திரைப்படம் லியோ. லோகேஷ் கனகராஜ் இயக்கியவரும் இப்படத்தின் 60 நாள் படப்பிடிப்பு நிறைவடைந்துள்ளது. அடுத்ததாக மீதமுள்ள 60 நாள் படப்பிடிப்பு சில நாட்களுக்கு முன் தான் ஆரம்பமாகியது.

மேலும் இப்படத்தில் விஜய்யுடன் இணைந்து திரிஷா நடிக்கிறார். அத்தோடு இந்த ஜோடி 13 வருடங்களுக்கு பின்னர் தற்போது தான் படத்தில் இணைந்துள்ளது. மேலும் சஞ்சய், மிஸ்கின், கவுதம் மேனன், அர்ஜுன், கதிர், சாண்டி மாஸ்டர், மன்சூர் அலிகான் உள்ளிட்டோர் முக்கிய கதாபாத்திரங்களில் நடிக்கிறார்கள்.

அதிகாரப்பூர்வமாக அறிவிக்கப்பட்ட நட்சத்திரங்களே இத்தனை பேர் இருக்க, அறிவிக்கப்படாத சிலரும் இப்படத்தில் நடிக்கிறார்கள் என தகவல் கசிந்துள்ளது. முதலில் கமல் ஹாசன் இப்படத்தில் கேமியோ ரோலில் நடிக்கிறார் என சொல்லப்பட்டது. இதன் பின் ரோலெக்ஸ் ரோலில் சூர்யாவும் நடிக்கிறார் என கிசுகிசுக்கப்பட்டது.

மேலும் சமீபகாலமாக தனுஷ் ஒரு முக்கிய கேமியோ ரோலில் நடிக்கிறார், அவருடை காட்சிகள் சென்னையில் படமாக்கப்பட்டு வருகிறது என கோலிவுட் வட்டாரத்தில் பேச்சு எழுந்தது.

இவ்வாறுஇருக்கையில், இவர்களை தொடர்ந்து மாஸ்டர் மகேந்திரனும் லியோ படத்தில் நடிப்பதாக தகவல் வெளியாகியுள்ளது. சமீபத்தில் மாஸ்டர் மகேந்திரன் கலந்துகொண்ட பேட்டி ஒன்றில் அவர் தன்னுடைய முகத்தை மாஸ்க் போட்டு மறைந்திருந்தார்.

அதற்க்கு தொகுப்பாளர் ஏன் முகத்தை காட்ட மறுக்குறீர்கள் என கேட்க, முக்கியமான படத்திற்கான கெட்டப்பில் இருக்கிறேன், அதனால் தான் முகத்தை காட்ட மறுக்கிறேன் என மாஸ்டர் மகேந்திரன் தெரிவித்துள்ளார். இதனால் லியோ படத்தில் தான் அவர் நடிக்கிறார் என தகவல் பரவ துவங்கிவிட்டது.

ஆனால், அவர் வேறொரு படத்திற்காக தான் இப்படியொரு கெட்டப் வைத்துள்ளார் என தெரியவந்துள்ளது. இப்படத்தை அருண் ராஜா காமராஜ் இயக்கி வருகிறார் என்பது குறிப்பிடத்தக்கது.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை