தனுஷின் வாத்தி படம் குறித்து ஜி.வி பிரகாஷ் வெளியிட்ட முக்கிய அப்டேட்

தமிழ் சினிமாவில் நடிப்பில் ராட்சசன் என்று அழைக்கப்படும் முக்கிய நடிகர் தான் தனுஷ். இவர் நடிப்பில் சமீபகாலமாக வெளியாகும் திரைப்படங்கள் அனைத்தும் சூப்பர் ஹிட் வெற்றி பெற்று வருவதோடு வசூலிலும் அள்ளிக் குவித்திருக்கின்றது. அத்தோடு பல தேசிய விருதுகளையும் பெற்றிருக்கிறார்.

குடும்ப வாழ்க்கையில் சமீபகாலமாக பல பிரச்சினைகளை சந்தித்து வந்தாலும் கெரியரில் மிகவும் பிஸியாகவே இருந்து வருகின்றார். இவரது நடிப்பில் உருருவாகியுள்ள நானே வருவேன், திருச்சிற்றம்பலம் ஆகிய திரைப்படங்கள் விரைவில் ரிலீஸ் ஆகக் காத்திருக்கின்றது.

மேலும் இவரது நடிப்பில் உருவாகி வரும் மற்றொரு திரைப்படம் தான் வாத்தி. நாக வம்சி மற்றும் சாய் தயாரிக்கின்ற இப்படத்தை வெங்கி அட்லூரி இயக்குகிறார். சம்யுக்தா மேனன் இப்படத்தில் கதாநாயகியாக நடிக்கவுள்ளார்.

இப்படத்திற்கு ஜி.வி.பிரகாஷ் குமார் இசையமைக்கவுள்ளதோடு இப்படத்தின் படப்பிடிப்பும் விறுவிறுப்பாக நடைபெற்று வருகின்றது.
அதன் படி 'வாத்தி' படத்தின் இசைப் பணிகள் நடைபெற்று வருகிறது. இதனை ஜி.வி.பிரகாஷ் தனது ட்விட்டர் பக்கத்தில் தெரிவித்து தனுஷுடன் இருக்கும் ஒரு புதிய புகைப்படத்தையும் பகிர்ந்துள்ளார்.

மேலும் ரசிகர்களை மகிழ்விக்கும் வகையில் தனுஷின் நடனத்துடன் கூடிய ஒரு குத்துப்பாட்டு உருவாகி வருவதாகவும் ஜி.வி.பிரகாஷ் தெரிவித்துள்ளார் என்பதும் குறிப்பிடத்தக்கது.

பிற செய்திகள்