_6458729ce624f.jpg)
அட்லியின் இயக்கத்தில் கடந்த 4 ஆண்டுகளாக உருவாகி வரும் திரைப்படம் ஜவான். இப்படத்தில் ஷாருக்கானுடன் விஜய் சேதுபதி, நயன்தாரா, பிரியாமணி, தீபிகா படுகோன், யோகி பாபு உள்ளிட்ட பலர் நடித்துள்ளனர், அனிருத் இசையமைத்துள்ளார். ஜவான் படத்தில் ஷாருக்கான் இரட்டை வேடங்களில் நடித்துள்ளாராம்.
ஆரம்பத்தில் இருந்து ஜவான் ஷூட்டிங் தாமதமாக தான் நடைபெற்றதாகச் சொல்லப்படுகிறது. இதனால், அடிக்கடி அட்லி மீது ஷாருக்கானுக்கு கோபம் வந்துள்ளது. ஒருசில நேரங்களில் அட்லியை ஷாருக்கான் ரொம்பவே ஸ்டிரிக்ட்டாக வார்னிங் செய்திருந்தாராம். ஆனால், அப்படியிருந்தும் ஜவான் ஷூட்டிங் லேட்டாகிவிட்டதாம். அதுமட்டும் இல்லாமல் போஸ்ட் புரொடக்ஷன் வேலைகளையும் ஜவ்வாக இழுத்து வருகிறாராம் அட்லி.
இதனிடையே ஜவான் டீசரும் இன்னும் ரெடியாகவில்லையாம். அதேபோல் போஸ்ட் புரொடக்ஷன் வேலைகளின் போது ஜவான் படத்தைப் பார்த்த ஷாருக்கான், சில காட்சிகள் திருப்தியில்லை என அட்லியிடம் சொல்லிவிட்டாராம். மேலும், இந்தக் காட்சிகளை மீண்டும் எடுக்க வேண்டும் என அட்லிக்கு ஆர்டர் போட்டுள்ளாராம். இதனால் தான் ரிலீஸ் தேதி செப்டம்பர் மாதத்துக்கு மாற்றப்பட்டுள்ளதாம்.
அதேபோல், செப்டம்பர் இறுதியில் பிரசாந்த் நீல் இயக்கிய பிரபாஸின் சலார் ரிலீஸாகிறது. அதற்கு முன்னதாகவே ஜவான் படத்தை ரிலீஸ் செய்தால் தான் பாக்ஸ் ஆபிஸில் கல்லா கட்ட முடியும் என ஷாருக்கான் பிளான் செய்துள்ளாராம். காரணம், ஜவான் வெளியாகும் முன்பே இந்தப் படத்தின் கதை குறித்து சில செய்திகள் வெளியாகி வைரலாகி விட்டன.
அதனால், அட்லியை நம்பி பலனில்லை என்ற முடிவுக்கு வந்துவிட்டாராம் ஷாருக்கான். முன்னதாக, ஜவான் டீசர் இன்னும் ரெடியாகவில்லை என, ஷாருக்கான் இரவோடு இரவாக அட்லியின் வீட்டுக்கேசென்றதாக சொல்லப்படுகிறது. மேலும், இரண்டு வாரங்களுக்கு முன்னர் மும்பை பிலிம் சிட்டியில் நடந்த படப்பிடிப்பிலும் அட்லியிடம் கொஞ்சம் கோபமாகவே நடந்துகொண்டாராம் ஷாருக்கான். இந்நிலையில், இந்தத் தகவல்களை மறைக்க தான் அட்லி, நயன்தாரா, விஜய் சேதுபதி ஆகியோருடன் பணியாற்றியதில் மகிழ்ச்சி என ஷாருக்கான் தெரிவித்ததாக சொல்லப்படுகிறது.
.png)
.png)
Listen News!