பிரபல பழம்பெரும் தெலுங்கு நடிகை ஜமுனா மரணம்- இரங்கல் தெரிவிக்கும் திரையுலகம்

கடந்த 1953-ம் ஆண்டு வெளியான புட்டிலு என்கிற தெலுங்கு படம் மூலம் நடிகையாக அறிமுகமாகியவர் தான் ஜமுனா.பின்னர் தெலுங்கில் ராமராவ், அக்கினேனி என அன்றைய காலகட்டத்தில் முன்னணி நடிகர்களாக இருந்தவர்களுக்கு ஜோடியாக நடித்து மக்கள் மத்தியில் பிரபலமானார் ஜமுனா.

தென்னிந்திய மொழிகள் மட்டுமின்றி ஹிந்தி படங்களிலும் நடித்துள்ளார் ஜமுனா. இவர் இதுவரை 198 திரைப்படங்களில் நடித்திருக்கிறார். இவர் பிலிம்பேர் உள்பட பல்வேறு விருதுகளையும் வென்றுள்ளார். இவர் சினிமா மட்டுமின்றி அரசியலிலும் சிறந்து விளங்கி உள்ளார்.

1980களில் காங்கிரஸ் கட்சியில் சேர்ந்த ஜமுனா, 1989ம் ஆண்டு ராஜமுந்திரி தொகுதியில் இருந்து மக்களவை எம்.பி.யாக தேர்ந்தெடுக்கப்பட்டார். அதன்பிறகு, அவர் அரசியலில் இருந்து விலகினாலும்1990 களில் பாரதிய ஜனதா கட்சிக்காக பிரச்சாரம் செய்தார்.

இந்நிலையில், தற்போது வயது மூப்பு காரணமாக மரணமடைந்துள்ள நடிகை ஜமுனாவின் மறைவு, தெலுங்கு திரையுலகிற்கு பேரிழப்பாக பார்க்கப்படுகிறது.திரைப்பிரபலங்களும், ரசிகர்களும் அவரது மறைவுக்கு இரங்கல் தெரிவித்து வருகின்றனர்.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை