விஜய்யின் வாரிசு படத்தில் சிம்பு...சூப்பர் அப்டேட்டால் குஷியான ரசிகர்கள்..!

வம்சி இயக்கத்தில் விஜய் நடித்துள்ள வாரிசு திரைப்படத்தில் நடிகர் சிம்புவும் பணியாற்றி உள்ளதாக புதிய தகவல் ஒன்று தற்போது வெளியாகி உள்ளது.

நடிகர் விஜய்யின் 66-வது படத்தை வம்சி இயக்கி வருகின்றார். அப் படத்தின் பெயர் தான் வாரிசு. இப்படத்தில் கதாநாயகியாக ராஷ்மிகா மந்தனா நடித்துள்ளார். மேலும் குஷ்பு, பிரகாஷ் ராஜ், ஷியாம், சம்யுக்தா, பிரபு, சங்கீதா என மிகப்பெரிய நட்சத்திர பட்டாளமே இப்படத்தில் நடித்துள்ளது. இப்படத்தை பிரபல டோலிவுட் தயாரிப்பாளர் தில் ராஜு பிரம்மாண்டமாக தயாரித்துள்ளார்.

வாரிசு படத்தை வருகிற ஜனவரி மாதம் 12ந் தேதி பொங்கல் பண்டிகைக்கு திரையரங்குகளில் ரிலீஸ் செய்யவுள்ளனர். நடிகர் அஜித்தின் துணிவு படத்துக்கு போட்டியாக வாரிசு திரைப்படம் ரிலீசாக உள்ளது. சுமார் 9 ஆண்டுகளுக்கு பின்னர் விஜய் - அஜித் நடித்த படங்கள் நேருக்கு நேர் மோத உள்ளதால் இரண்டு படங்கள் மீதான எதிர்பார்ப்பும் நாளுக்கு நாள் அதிகரித்த வண்ணமே உள்ளது.

அத்துாடு வாரிசு படத்திற்கு தமன் இசையமைத்துள்ளார். ஏற்கனவே இப்படத்தில் அவரது இசையில் நடிகர் விஜய் பாடிய ரஞ்சிதமே பாடல் ரிலீசாகி தற்போது பட்டிதொட்டியெங்கும் பட்டைய கிளப்பி வருகின்றது என்று தான் கூறவேண்டும்.இப்பாடல் யூடியூபில் 65 மில்லியனுக்கும் அதிகமான பார்வைகளை பெற்று உள்ளது. இந்நிலையில், வாரிசு படத்தின் அடுத்த பாடல் குறித்த அப்டேட் ஒன்று வெளியாகி உள்ளது.

அதன்படி இப்படத்திற்காக நடிகர் சிம்பு ஒரு பாடலை பாடி உள்ளதாக சொல்லப்படுகின்றது. இரு தினங்களுக்கு முன்னர் தான் இந்த பாடல் பதிவு நடைபெற்றதாகவும், அடுத்த மாதம் இப்பாடலை படக்குழு வெளியிடும் என்றும் தகவல்கள் தெரிவிக்கின்றன.அத்தோடு வாரிசு படத்தின் இசை வெளியீட்டு விழா வருகிற டிசம்பர் மாதம் 23-ந் தேதி சென்னையில் உள்ள நேரு உள்விளையாட்டு அரங்கில் நடைபெற உள்ளது குறிப்பிடத்தக்கது.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை