தளபதியின் மாஸான குரலில் வெளியாகிய லியோ படத்தின் 'நா ரெடி' பாடல் ப்ரோமோ

இயக்குநர் லோகேஷ் கனகராஜ் இயக்கத்தில், விஜய் நடிப்பில் உருவாகி வரும் திரைப்படம் தான் லியோ. இப்படத்தில் கதாநாயகியாக த்ரிஷா நடித்து வருகின்றார். இந்த படத்தின் படப்பிடிப்பு விரைவில் முடிவடைந்து போஸ்ட் புரோடக்ஷன் பணிகள் விரைவில் ஆரம்பமாக உள்ளது.

கடந்த வாரம்... தளபதியின் பிறந்தநாளை முன்னிட்டு, 'நா ரெடி' பர்ஸ்ட் சிங்கிள் பாடல் வெளியாகும் என படக்குழு தெரிவித்திருந்தது.மிகப்பெரிய எதிர்பார்ப்புக்கு மத்தியில், வெளியாக உள்ள இந்த பாடலின் ப்ரோமோவை தற்போது படக்குழுவினர் வெளியிட்டுள்ளனர். இந்த பாடலை தளபதி விஜய், அனிரூத் மற்றும் அசல் கோளாறு ஆகியோருடன் இணைந்து பாடியுள்ளார் என்பது குறிப்பிடத்தக்கது.

அனிரூத் இசையில் விஷ்ணு இடவன் என்பவர் இந்த பாடலை எழுதியுள்ளார். ராப் வெர்ஷனை அசல் கோளார் எழுதி பாடியும் உள்ளார். தற்போது வெளியாகியுள்ள இந்த ப்ரோமோ, வெளியான சில நிமிடங்களிலேயே ஆயிரக்கணக்கான ரசிகர்களால் பார்க்கப்பட்டு வருகின்றத என்பதும் குறிப்பிடத்தக்கது.