காஷ்மீரில் சிவனுக்கு பாலபிஷேகம் செய்த த்ரிஷா; இணையத்தில் வைரலாகும் வீடியோ

இயக்குநர் லோகேஷ் கனகராஜ் இயக்கும் ‘லியோ’ படத்தில் விஜய்க்கு ஜோடியாக த்ரிஷா நடித்து வருகிறார். மேலும், கோலிவுட் ரசிகர்களின் மிக விருப்பமான ஜோடிகளான இவர்கள் 15 ஆண்டுகளுக்குப் பிறகு மீண்டும் ஒன்றாக இணைந்துள்ளனர்.

லியோ படக்குழு தற்போது படத்தின் முக்கிய செட்யூலுக்காக காஷ்மீரில் உள்ளது. நடிகர்கள் மற்றும் படக்குழுவினர் என 100 க்கும் மேற்பட்ட உறுப்பினர்கள் அங்கு முகாமிட்டுள்ளனர். ஆனால், இதில் சிலர் குளிர் தாங்க முடியாமல் இந்தியா திரும்பியதாக கூறப்படுகிறது.

இந்நிலையில் சிவபெருமானின் மஹா சிவராத்திரியான நேற்று காஷ்மீரில் உள்ள மாமல்லேஸ்வர் கோவிலில் நடிகை த்ரிஷா ,சிவனின் சிலைக்கு பாலபிஷேகம் செய்து வழிபட்டிருந்தார்.