_6489601d41a9c.jpg)
நடிகர் சிவகார்த்திகேயன் சமீபகாலமாக ஒரே மாதிரியான கதையை தேர்வு செய்து நடிக்காமல் வித்தியாசமான கதைக்களம் உள்ள படங்களையே தேர்வு செய்து நடித்து வருகின்றார்.அந்த வகையில், இதுவரை நடித்திராத கதாபாத்திரத்தில் சிவகார்த்திகேயன் தற்போது நடித்துள்ள திரைப்படம் 'மாவீரன்'.
இப்படத்தை 'மண்டேலா' பட இயக்குநர் மடோன் அஸ்வின் இயக்கியுள்ளார். அத்தோடு இந்த படத்தில் சிவகார்த்திகேயனுக்கு ஜோடியாக அதிதி ஷங்கர் நடித்துள்ளார்.
மேலும் இந்த படம் தமிழ், தெலுங்கு ஆகிய 2 மொழிகளில் தயாராகி வருகிறது. தெலுங்கில் உருவாகும் இப்படத்திற்கு 'மாவீருடு' என்று பெயர் வைத்துள்ளனர். மேலும் இப்படத்தில் சரிதா, சுனில், இயக்குநர் மிஷ்கின், யோகி பாபு உள்ளிட்ட பலரும் இணைந்து நடிக்கின்றனர்.
இப்படத்தினுடைய இரண்டாம் சிங்கிள் பாடல் விரைவில் வெளியாகவுள்ளதாக கூறி நேற்று முன் தினம் அப்பாடலின் ப்ரோமோ வீடியோவை சிவகார்த்திகேயன் ஸ்டைலில் கலக்கலாக படக்குழுவினர் வெளியிட்டு இருந்தனர்.
இந்நிலையில் தற்போது மாவீரன் படத்தின் 2-ஆவது சிங்கிள் ரிலீஸ் செய்யப்பட்டு உள்ளது. அந்தவகையில் 'வண்ணாரப்பேட்டையில' எனத் தொடங்கும் டூயட் பாடலான இதை அதிதி ஷங்கரும், சிவகார்த்திகேயனும் இணைந்து பாடி உள்ளனர். மேலும் இப்பாடலுக்கு பரத் சங்கர் இசையமைத்து உள்ளார். இப்பாடல் வரிகளை யுகபாரதி எழுதி உள்ளார்.
ஆட்டம், பாட்டம், சிரிப்பு என வெளிவந்த அந்த பாடலினுடைய லிரிக்கல் வீடியோ இதோ..!
_648967a45c3fa.jpg)
.png)
.png)
Listen News!